Swembad Archives - Stellenbosch Akkommodasie

Schuilplaats Studio and Overnight Accommodation

Schuilplaats Studio and Overnight Accommodation is in die beeldskone woonbuurt, Paradyskloof, in Stellenbosch geleë en bied gehalte-verblyf wat ideaal is vir ‘n paartjie, vakansiegangers of sakereisigers.

Daar is 2 eenhede. Die lieflike ateljee-tuinwoonstel is 30 m² groot en het ‘n privaat ingang. Daar is 2 driekwartbeddens in die woonstel en dit het ‘n en suite-badkamer, ‘n yskassie en koffie- en teemaakgeriewe. Die yskassie is volgemaak. Die woonstel beskik ook oor ‘n TV met volledige DStv.

Die oornag-eenheid het ‘n slaapkamer met ‘n dubbelbed en ‘n TV. Die badkamer is en suite. Daar is ook ‘n klein sitkamer met tee- en koffiemaakgeriewe. Daar is ‘n yskas met ‘n eerlikheidskroeg. Die eenheid het ‘n privaat ingang met ‘n buite-area.

Die woonstel het ‘n patio aan die voorkant met beeldskone uitsigte oor die berge. Ons is na aan verskeie geriewe waaronder verskeie gewilde restaurante, ‘n supermarkie en is boonop stapafstand van die Stellenbosch Gholfbaan. Ons het ook ‘n swembad vir warmer dae. Die eenheid is ook naby die MediClinic-hospitaal.

Slaley Country House

Slaley Country House is op ‘n prentjiemooi wynplaas, net 8 km buite Stellenbosch op die R44 in die rigting van Klapmuts, geleë.

Dié gastehuis het 7 en suite-slaapkamers wat keurig ingerig en versier is. Elke kamer beskik oor ‘n platskerm-TV met DStv, ‘n yskassie, koffie- en teemaakgeriewe, en lugversorging. Gratis WiFi word ook voorsien. ‘n Wittebrood-suite met ‘n spa-bad is ook beskikbaar vir ‘n pasgetroude paartjie of ou verliefdes.

Slaley Kelder wat net om die draai van die gastehuis af is bied ‘n bistro wat daagliks oop is vir wynproe en lekker kos. Gaste kan ook van Slaley Country House se swembad en tennisbaan gebruik maak en die rus en vrede van die lewe op ‘n wynplaas geniet.

Eendracht Hotel

Die Eendracht Hotel is in Dorpstraat, in die hartjie van Stellenbosch, geleë. Dié hotel is stapafstand van minstens 60 uitstekende restaurante, koffiewinkels, museums, 6 kunsmuseums en -galerye, 3 teaters, en die sokker-, atletiek- en rugbyvelde.

Daar is 12 luukse kamers wat elkeen oor ‘n gemaklike bed, ‘n en suite-badkamer, lessenaars, en WiFi beskik.

Gaste kan gerus die swembad, koffiekroeg en konferensiegeriewe op die perseel gebruik. Veilige parkeerplek is ook op die perseel beskikbaar. Die Eendracht Hotel is rolstoelvriendelik.

Daar is tientalle doendinge in die omgewing, soos wynproe, fietsry, begeleide wandelinge en bergfietsry.

Fleur du Mont

Fleur du Mont is in sekuriteitskompleks in die stil Paradyskloof aan die voet van die Stellenboschberge geleë. Dis naby verskeie winkels, restaurante en net ‘n minuut se ry vanaf die middedorp.

Daar is 3 ruim kamers. Elke kamer het ‘n en suite-badkamer en ‘n onderdakpatio langs die swembad. WiFi is ingesluit.

Die kamers word daagliks skoongemaak. Daar is veilige parkeerplek in die straat met sekuriteitswagte

The Log Cabin

The Log Cabin is in die hartjie van Devon Valley in die Kaapse Wynlande geleë en dit het ‘n pragtig uitsig op die berge rondom Stellenbosch en die wingerde wat oor die heuwels kronkel.

The Log Cabin bied gerieflike gastehuisverblyf in 4 kamers wat elk ‘n kombuisie en ‘n en suite-badkamer het. Elke kamer het ook lugversorging, ‘n verwarmer, haardroër, strykyster en ‘n skootrekenaarvriendelike werkspasie. Ontbyt is ingesluit by die tarief. Die gastehuis het ook ‘n swembad, WiFi en veilige parkeerplek.

Doendinge in die omgewing sluit wynproe, fynproewersetes en voetslaan in. Die gastehuis kan ook wynproetoere en pendeldienste help reël.

Sugarbird Manor

Welkom by Sugarbird Manor. Ons pragtige gastehuis is in die skilderagtige Devonvallei net 7 km buite Stellenbosch geleë. Sugarbird Manor bied uitgebreide uitsigte oor wingerde en die vallei na Simonsberg, Stellenbosch en Helderberg.

Ons 9 kamers en 4 selfsorgkothuise het elegante afwerkings. Al die kamers is ingerig met lugversorging, haardroërs, komplimentêre badkamerbenodigdhede en gratis WiFi. Ons gastehuis is toeganklik vir diegene met fisiese gestremdhede en een van ons kamers is rolstoelvriendelik.

Koel af in ons randvloeiswembad, of gaan stap in die protea-blommevelde en wingerde, verken die omliggende wynplase of speel ‘n rondte gholf by een van die nabygeleë bane.

Geniet die prentjiemooi wingerduitsigte, en stap in die tuine by Simonsberg, Stellenbosch en Helderberg.

Besigheim

Besigheim is in Die Boord, ‘n rustige woonbuurt in Stellenbosch geleë. Dié gastehuis is net 400 m vanaf die Mediclinic en Boord Winkelsentrum en sowat 2 km vanaf die middedorp en universiteitskampus. Vername hoofroetes is maklik van hier af bereikbaar en Kaapstad Internasionale Lughawe is sowat 30 km van ons af.

Besigheim bied verskeie gerieflike, bekostigbare verblyf. Al die eenhede is selfsorg met ‘n ontbyt-opsie en beskik oor ‘n TV met volledige DStv, gratis WiFi, lugversorging en veilige parkeerplek.

Stellenbosch is die hoofsetel van die Kaapse Wynlande en bied wonderlike geleenthede aan toeriste. Van ons land se toprestaurante is in en om die dorp en op die skilderagtige wynlandgoedere geleë. Daar is 8 gholfbane wat maklik van hier af bereik kan word. Die historiese en jeugdige atmosfeer wat hier heers, die argitektuur, eikebome, pragtige berge en die Eersterivier maak Stellenbosch ‘n besonderse plek om te besoek!

Aan-den-Weg

Hartlike gasvryheid wag op jou by Aan-den-Weg, ‘n wyn- en roosplaas wat net 10 km van Stellenbosch af geleë is. Gaste wat hier tuisgaan word omring deur roosplantasies, wingerde, vrugteboorde en luisterryke uitsigte. Dis ‘n absolute paradys vir natuurliefhebbers en ‘n toevlugsoord waar besoekers weer vrede kan vind.

Die verblyf word aangebied in 3 eenhede waarvan 2 toegeruste kombuisies met ‘n yskassie, oond en mikrogolfoond het. Al die kamers is koel in die somer, bied pragtige uitsigte en is met vars rose versier. Petra bedien Maandae tot Saterdae heerlike ontbyt op die stoep, maar gaste moet dit asseblief 2 dae vooruit reël. Ander geriewe in die kamers sluit haardroërs en platskerm-TV’s met 9 DStv-kanale in. Daar is skoonmaakdienste van Maandag tot Saterdag beskikbaar. Daar is patio’s met braaigeriewe en parkeerplek is beskikbaar op die perseel.

Aan-den-Weg is ideaal vir gesinne, wynliefhebbers en besoekers wat die Kaapse Skiereiland en -Wynlande wil verken. Dit is geleë in Stellenbosch Kloof, in die hartjie van die Stellenbosch Wynroete en net 20 minute se ry van die lughawe af. Dit is nét die plek vir die begin of einde van jou rustige vakansie. Die gastehuis word persoonlik bestuur deur Petra Joubert wat met haar passie vir mense, aandag aan detail en persoonlike diens seker maak gaste voel altyd welkom en op hul gemak. Petra bly al jare lank op die plaas in Stellenbosch en het breedvoerige kennis oor die besienswaardighede en doendinge in die omgewing. Sy sal seker maak jou tydjie hier is onvergeetlik.

Koel af in die groot oefenswembad op die perseel, lees of ontspan net lekker terwyl jy jouself verlustig in die asemrowende berg-uitsigte. Verloor jouself in die plattelandse atmosfeer. Kyk vir die voëltjies bedags en die pragtige sterre snags. Sit in die natuur of op die stoep met ‘n glasie wyn in die hand. Laat jou gashere toe om jou bekend te stel aan die aktiwiteite op die plaas.

Die druiwe word in Februarie en Maart geoes. Stap tot op die heuwel op die plaas (3 km) en tussen 6 hektaar se roosplantasies en 64 hektaar wingerde. Geniet die kaleidoskopiese uitsigte van die wingerde wat oprank teen die Stellenbosse berge. Gaste kan heerlike maaltye geniet binne ‘n 3-5 km-radius vanaf die plaas by die wynlandgoedere Jordan, Vredenheim, Neethlingshof en Spier.

LovanE Boutique Wine Estate & Guest House

LovanE Boutique Wine Estate & Guest House is ‘n bekostigbare, luukse juweel in die Kaapse Wynlande, 5 km vanaf die hartjie van Stellenbosch.

Verblyf word gebied in 16 moderne en suite-kamers. Geriewe in die kamer sluit lugversorging, ‘n TV met 12 kanale, ‘n vol kroegyskassie en tee- en koffiemaakgeriewe in. Elke kamer beskik oor ‘n balkon, dek of veranda. Rook word nie in die kamers toegelaat nie.

Ontbyt word bedien in ons pragtige restaurant of buite op die houtdek indien die weer dit toelaat. In die winter is daar ‘n lieflike kaggel wat dit lekker warm hou. Ander geriewe op die perseel sluit ‘n swembad en veilige parkeerplek op die perseel in.

Gaste kan ook ‘n persoonlike wynproesessie in die unieke kelder op die plaas bywoon of langs die swembad ontspan. Ons personeel sal jou help om ‘n perdrit of ‘n potjie gholf by een van die nabygeleë gholfbane te reël. Die veblyf is ook 22 km van Kaapstad Internasionale Lughawe en 35 km van Kaapstad se middestad af.

Life & Leisure Boutique Guest House

Life & Leisure Boutique Guest House is ‘n unieke, moderne gastehuis in Stellenbosch-sentraal. Ons bied moderne gastekamers en konferensiegeriewe

Daar is 7 ruim gastekamers en ‘n aparte gesinseenheid vir 6 gaste langsaan. Elke kamer het ‘n moderne en suite-badkamer, koffie- en teemaakgeriewe, WiFi, lugversorging, ‘n TV met DStv en ‘n yskassie met verversings.

Die unieke venue, die Geel Kamer, is ideaal vir ‘n konferensie of ‘n vergadering. Dis ideaal vir kleiner groepe en kan vir ‘n verskeidenheid behoeftes voorsiening maak.

Life & Leisure Boutique Guest House bied ook ‘n kroeg, swembad en parkeerplek op die perseel.

Die verblyf is naby bekende restaurante, wynplase en kunsgalerye.

Stellenbosch Holiday Home

Stellenbosch Holiday Home is ‘n selfsorgvakansiehuis in ‘n stil en veilige sekuriteitslandgoed in Cloetesville, ‘n stil woonbuurt net buite Stellenbosch wat tussen pragtige wynplase geleë is.

Die huis het slaapplek vir 6 gaste en beskik oor 3 slaapkamers, 2 badkamers en ‘n oopplan-kombuis, -eetkamer en -leefarea. Die huis is smaakvol versier en alles is ruim en oopplan. Die slaapkamers is op die boonste verdieping geleë en het elk ‘n dubbelbed of 2 enkelbeddens. Die hoofslaapkamer het ‘n en suite-badkamer met ‘n oopplan-uitleg en ‘n bad en ‘n stort.

Daar is ‘n oopplan-leefarea en -kombuis wat goed toegerus is om maaltye voor te berei. Verder het die huis ‘n kuierarea onder met braaiplek en ‘n swembad en ‘n kuierarea bo waar jy die skouspelagtige sonsondergang oor die berge kan bewonder.

Die sitarea het ‘n TV met volledige DStv. Daar is skuifdeure wat na die kuierarea onder lei. Dit is troeteldiervriendelik.

Baruch Guesthouse on Lovell

Baruch Guesthouse on Lovell bied hoë gehalte-verblyf in Stellenbosch. Die gastehuis is naby ‘n verskeidenheid wynproe-venues en landgoedere, asook ‘n paar geskiedkundige besienswaardighede.

Verblyf by Baruch word aangebied in 6 elegante kamers en ‘n ateljeewoonstel. Die kamers in die gastehuis beskik elk oor of 2 enkelbeddens of ‘n koninggrootte-bed, en ‘n en suite-badkamer. Elke stylvolle kamer het ook gratis WiFi, ‘n LCD-TV met DStv, lugversorging, koffie- en teemaakgeriewe, ‘n yskassie met voorraad, ‘n haardroër, ingeboude internasionale kragprop-passtuk, en ‘n elektroniese skootrekenaarkluis.

‘n Kontinentale en/of volledige Engelse ontbyt word daagliks in die eetkamer bedien en kan met aankoms bespreek word teen ’n addisionele koste. Die gastehuis het ook ‘n groot swembad en buite-vermaakarea. Sakereisigers sal bly wees om te verneem dat ons ‘n moderne raadsaal het, met plek vir 22 afgevaardigdes.

Ander sosiale geleenthede en funksies vir maksimum 50 gaste kan ook gereël word. Veilige parkeerplek van die straat af is beskikbaar. Baruch Gastehuis is die ideale plek om te gebruik as basis indien jy die geskiedkundige dorp se restaurante, winkels, galerye en museums wil verken.

Dit is ook net 5 minute se stap van die Stellenbosch MediClinic, Die Boord-winkelsentrum, en die Markotter-sportgronde af. Stellenbosch Gholfbaan is ook net 2 minute se ry ver.

De Haas Living @ Die Laan 2

2 Die Laan is in Stellenbosch en bied moderne verblyf-opsies.

Daar is selfsorgwoonstelle met 1 slaapkamer of 2 slaapkamers. Eersgenoemde het koninggrootte-beddens. Die tweeslaapkamer-woonstelle het ‘n koninggrootte-bed in die hoofslaapkamer en 2 enkelbeddens in die tweede kamer.

Elke woonstel het ‘n oopplan-leefarea met ‘n kombuis wat toegerus is met ‘n koffiemasjien, skottelgoedwasser, stoof, oond, mikrogolf, yskas en eetarea. Verder is daar ‘n TV met DStv en WiFi in die eenhede. Van die eenhede het ‘n stoep met ‘n uitsig oor die swembad. Gaste kan in die swembad afkoel en daar is veilige parkeerplek op die perseel.

2 Die Laan is net ‘n entjie se stap vanaf Coetzenburg Sportsentrum, 1 km vanaf Eikestad Mall en gaste kan lang ente in die eikelane gaan stap. Stellenbosch bied talle museums en restaurante wat die besoek werd is.

Boord Guesthouse

Boord Guesthouse resoneer perfek met Stellenbosch se wêreldbekende argitektuur. Die suites is uiters ruim en poog om ‘n ware tuiste te skep. Ons verkies gaste wat effens langer in Stellenbosch tuisgaan en hul onafhanklikheid hoog op prys stel. Ons gaste wil gewoonlik die toeristestormloop probeer vermy en hierdie unieke universiteitsdorpie in al sy prag te beleef vanuit ‘n blyplek met ‘n gerieflike ligging.

Ons het nou ook ‘n volledige dranklisensie en bied sommige van dié wêreldbekende area se lieflike wyne, sowel as ander drankies, in die gerief van jou kamer. ‘n Kontinentale ontbyt is altyd by die tarief ingesluit. Ons voorsien nou ook luukse spa-behandelings in jou kamer.

Saans bedien ons ‘n komplimentêre glas sjerrie en sjokolade in jou kamer. Gedurende die wintermaande is daar ook ‘n lieflike warmwaterbottel.

Elke suite het ‘n ekstra-lengte, koningingrootte-hemelbed, volledig toegerus met ‘n kombuisie, ‘n kluis, ‘n en-suite badkamer en ‘n privaat ruimte buite, DStv en gratis WiFi. Ons gesin-suite het ‘n aparte sitkamer/eetkamer/kombuisie plus 2 slaapkamers: een vir volwassenes met ‘n lieflike koningingrootte-hemelbed, en ‘n aparte kamer vir kinders onder 12 jaar met ‘n snoesige stapelbed. In hierdie spesifieke eenheid bly kinders onder 12 jaar gratis!

Ons is in ‘n groot park, drie minute van Stellenbosch se historiese middedorp in Dorpstraat af geleë. Stellenbosch se Mediclinic en Die Boord Winkelsentrum is net ‘n entjie met die pad af. Toegang tot die R44 is in ‘n japtrap en dan bevind jy jouself plotseling op ‘n wêreldbekende wynroete, of op pad na die Strand, Kaapstad en, natuurlik, die lughawe. By ons kan jy Stellenbosch se sentrale verkeer vermy.

Baruch Guesthouse

Baruch Guesthouse in Stellenbosch bied die perfekte balans tussen huislike akkommodasie, gemak en kwaliteit diens.

Ons unieke gastehuis is in Die Boord, Stellenbosch, geleë. Dis ideaal vir sakereisigers en vakansiegangers. Ons word geïnspireer deur die tapisserie van lewe en ons bied ‘n diens wat elke verblyf ‘n onvergeetlike, rustige ervaring sal maak.

Elke kamer het ‘n platskerm-TV met DStv, lugversorging, gasvryheidskinkbord, kroegie, yskas, WiFi, haardroër, internasionale sok en ‘n elektroniese kluis vir ‘n skootrekenaar. Veilige parkeerplek is op die perseel beskikbaar. ‘n Kontinentale of Engelse ontbyt word daagliks in die eetkamer bedoen en kan met aankoms bespreek word. Die ontbyt word teen ‘n ekstra koste bedien.

Baruch is die perfekte basis vanwaar die nabye Historiese Dorpsentrum en Universiteit verken kan word. Dit is net 5 minute se stap van Stellenbosch MediClinic, Die Boord Inkopiesentrum en Markötter Sportgronde, en 2 minute se ry van die Stellenbosch Gholfbaan af. Baruch is naby die plaaslike skole en ‘n kort afstand van Techno Park en al Stellenbosch se wynplase af.

Klop by ons aan vir onvergeetlike verblyf!

Hoopenburg Guesthouse

Hoopenburg Guesthouse is op ‘n boetiekwynlandgoed van sowat 70 ha met ‘n welige tuin wat verskeie soorte voëls lok geleë. Wonderskone uitsigte oor die wingerde en lieflike sonsondergange maak hierdie ‘n wonder van die natuur. Ontspan langs die swembad of gaan stap deur die wingerde na die wynkelder en geniet ‘n glas wyn.

Ons ligging is uiters sentraal en ons is dus ‘n wonderlike basis vanwaar mens die nabygeleë besienswaardighede kan besoek en ook ‘n perfekte plek vir sakereisigers. Die gastehuis is net 45 minute van Kaapstad se middestad af en 10 minute vanaf Stellenbosch, met maklike toegang tot die N1-hoofweg.

Ons het 5 kamers: enkelkamers, dubbelkamers, gesinskamers en ‘n tweeslaapkamerkothuis. Elke kamer is toegerus met moderne geriewe, koffie- en teemaakgeriewe, TV met sekere DStv-kanale, verwarmer, waaier en haardroër. Die gesinskamers het elkeen ‘n mikrogolfoond en yskassie en daar is ‘n lekker kaggel in die leef- en eetkamer en in die somer kan jy in die swembad afkoel. Die perseel is kindervriendelik en omhein met ‘n veilige plaaswerf vir die jongspan.

Ander geriewe op die perseel sluit wynproe, WiFi, visvang, ‘n swembad en ‘n kaggel in die eetarea in. Daar is ook ‘n gesinsrestaurant op die buur-wynlandgoed.

Ons bied ook geriewe vir kleiner konferensies van tot 20 afgevaardigdes en funksiegeriewe vir tot 40 gaste. Ons bied warm en vriendelike, dog diskrete, gasvryheid en loop die ekstra myl om ons gaste ‘n wonderlike verblyf te verseker.

Besienswaardighede in die omgewing: wyn- en kaasproe, restaurante, kameelperdpark, leeupark, Le Bonheur-krokodilplaas, Butterfly World, perdry, visvang in die dam, gholfbane, bergfietsroetes, die Taalmonument en kultuur- en historiese toere.

Stellenbosch Akkommodasie

Stellenbosch Verblyf | Stellenbosch Gastehuis | Stellenbosch Bed en Ontbyt | Stellenbosch Selfsorg Eenhede

Category Archives: Swembad